ليه واحد ينزل من بيته ويدفع من جيبه فلوس المواصلات علشان يقعد مع طفل يتيم .. أو يلعب مع طفل معاق
ليه واحد عنده عربية بيلتزم بنقل رجل مريض بالكلى الى المستشفى .. يشيله ويتابع الغسيل ويقعد معاه بالخمس ساعات لدرجة ان فريق المستشفى يفتكر انه أبوه
ليه رغم السهر والتعب ايام الإمتحانات والمذاكرة بيقتطعوا من وقتهم ويقسموا بعضهم شيفتات علشان يعبوا المواد الغذائية اللى بتتوزع على أسر محتاجة
ليه وليه وليه وليه
علشان هم كدة .. إتخلقوا كدة
علشان الإخلاص مابينتهيش .. علشان الحنان من غير ثمن .. علشان القلوب مليانة خير
الصورة: د/ شريف عبد العظيم مؤسس جمعية رسالة للأعمال الخيرية ومجموعة من المتطوعين ومسئولين الفروع من بعض المحافظات
( القاهرة - الإسكندرية - الزقازيق )
9 comments:
كفاية العنوان
ربنا يوفق الجميع لعمل الخير ويقوينا انا نخلى نيتنا خالصة لوجه الله
:)
آمين يارب يا نهى
انا عملت البلوج علشان نقدر نحكى فيه عن رسالة ويحبوها الناس قد ما بنحبها
ربنا يسهل وأنزل مواضيع تانية كمان
منتظرين باقي المواضيع
و نرجوا من الله ان ترجعي لنا بسلامة
والله يا محمد انا مكنش فى وقت علشان انزل مواضيع كتير .. ربنا يسهل وأخلى حد يتابع البلوج مكانى
ربنا يرجعك لنا بالسلامة
ونرى فى العين البريق
وعيون كلها فرحة واشتياق لعمل الخير
انى احبك فى الله
ربنا يعلم محبتك جوايا قد ايه يا سلمى
بس انا عندى مشكلة مهمة جدا .. انى مابعرفش اعبر عن مشاعرى .. وساعات بتبان بالعكس غير ما انا اقصد
مهما قلت عن حبى لرسالة والناس اللى عرفتهم على مدى السنين دى مش هقدر ولا هعرف اعبر .. مافيش غير ايمانى ان ربنا سبحانه وتعالى عارف انى بريئة جدا جدا من اى نوع من انواع القسوة او الغباء او المحاباة
ويمكن العزاء فى التعب وسوء الفهم ان فى يوم ما ربنا سبحانه وتعالى يرد الحق لأصحابه .. ويردنا برسالة للهدف الكبير .. جايز مش هدف كل الناس .. بس على الأقل هدفى انا .. الوصول الى العاااااااااااالمية .. بعد ما نكفى مصر
من اجمل الأشياء فى رسالة .. انها بتجمع احسن ناس .. فخورة انى اعرفهم واحد وواحدة واحدة .. احبهم كلهم فى الله وخصوصا .. الناس اللى زيك يا سلمى
ربنا يسهل وأخلى حد يتابع البلوج مكانى
لالالالالالالا
الي بدأ طريق خير لازم يكملة
و قليل دام خير من كثير منقطع
لان نفسنا نسمع عن رسالة منك شخصيا
علشان تنقلي لينا مفهوم رساله
الي بجد اتعلمته منك
و كنتي لي فيه قدوة كبيرة
جهاد اتبسط جدا" امبارح انى شفتك فى الجمعية هى دقايق بسيطة بس ربنا عالم انى اطمنتك عليكى بوجودك معانا فى الجمعية
عقبال ما ترجعي لنا بالسلامة الى الابد الى الابد
ونرى الصحة والتألق ولا نرى فى العين الحزن
احبك فى الله
ورسالة تحبك
سؤال بسيط لية لون حزين ؟؟؟؟؟؟؟؟؟؟؟
Post a Comment